Aproveitamentos económicos nos ríos das Terras de Lemos

  Análise dunha empresa:

Tarefa a realizar en grupos de ata 5 persoas:

Seleccionar unha empresa da contorna, que realice algún aproveitamento económico dos recursos hídricos (piscifactoría, produción de luz, comercialización de auga, actividades de aventura, paseos en catamarán, ...). 

Buscar a información dispoñible sobre a mesma, e realizar unha presentación na que se recolla:

 

- Actividades que realiza actualmente e evolución histórica.

- Obxectivos económicos e sociais perseguidos.

- Misión, visión e valores da empresa.

- Elaboración dunha matriz DAFO.

Podedes subir a presentación a través da aula virtual ou compartila co profesor a través da plataforma Office 365.

• Criterios de avaliación:

Identificar e analizar os trazos principais do contorno en que a empresa desenvolve a súa actividade e explicar, a partir deles, as estratexias e as decisións adoptadas, e as posibles implicacións sociais e ambientais da súa actividade.

Explicar a planificación, a organización e xestión dos recursos dunha organización, valorando as posibles modificacións para realizar en función do ámbito en que desenvolve a súa actividade e dos obxectivos formulados.

• Estándares de aprendizaxe avaliables coa actividade: 

Analiza a relación entre empresa, sociedade e ambiente, e valora os efectos positivos e negativos das actuacións das empresas nas esferas social e ambiental.

Analiza a actividade das empresas como elemento dinamizador de progreso, estimando a súa creación de valor para a sociedade e para a cidadanía. 

Investiga sobre a organización nas empresas do seu ámbito máis próximo e identifica vantaxes e inconvenientes, detecta problemas para solucionar, e describe propostas de mellora.

Aplica os seus coñecementos a unha organización concreta, para detectar problemas e propor melloras.