ENQUISA
Hai dez días que pechamos a enquisa sobre o subministro de auga en Monforte de Lemos. Como indicamos nunha entrada anterior o obxectivo era coñecer a opinión dos habitantes da nosa cidade sobre este tema e de paso, poñer en práctica o aprendido nas materias de matemáticas e lingua.
Agradecemos a colaboración a tódalas persoas que amablemente respostaron e tamén aos que nos axudaron a darlle difusión dende este blog ou dende a nosa conta de twitter
 |
A enquisa pretendía cubrir un mínimo de 375 persoas adultas, e pensamos que este obxectivo se cumpliu xa que o número de respostas foi de 206 e tendo en conta o número de membros da unidade familiar abarca un total de 665 persoas. Aínda que no reconto nos decatamos de que non preguntamos cantos destes eran maiores de idade, podemos supoñer, pola pirámide poblacional de Monforte que o dobre das respostas cumpren este requisito.
Con respecto aos barrios, a representatividade é maior en A Compañía, A Florida, Os Chaos e San Antonio.
Resultados
A enquisa traballaba os seguintes aspectos:- Calidade da auga
- Sabor
- Presión
- Cortes do subministro
- Reclamacións
- Avarías
- Facturación (comprensión e prezo do subministro)
Ademais tamén preguntamos o consumo de auga para buscar relacións entre este e o número de persoas que conviven na vivenda.
Estes son os resultados obtidos, de forma global, agradecemos ao corresponsal de "La Voz de Galicia" Carlos Cortés que se fixera eco deste traballo de clase e que o publicase nas novas de Lemos
CALIDADE DA AUGA
Un 45 % dos enquisados pensan que a calidade da auga é boa ou moi boa, fronte a un 21 % que pensan que é deficiente. A puntuación mais elixida é un 3 (de un a cinco), por un 35% dos enquisados, o que nos indica que a calidade da auga non preocupa aos monfortinos.
A cualificación é diferente se preguntamos polos cambios apreciados, neste caso a maior parte das persoas pensan que hai diferenzas notables segundo a época do ano, concretamente un 67%.
SABOR
Os resultados neste caso son diferentes. Un 36% pensan que o sabor é malo ou moi malo, fronte a o 28% que pensan que é bo ou moi bo. Prevalece a disconformidade, ainda que de novo un 35 % non ven problema con este parámetro, de novo o valor central, 3, é o mais elixido.
Por barrios, nos catro mais relevantes os resultados son:
PRESIÓN
Respecto da presión da auga un 29% pensan que é deficiente fronte a un 48% que opinan que é boa. Vemos unha desviación dos resultados cara á zona dereita, a de maior puntuación, o que nos sorprendeu xa que pensabamos que ocurriría o contrario. De feito neste caso a puntuación mais elixida foi o 4.
Pola contra un 60% de persoas pensan que hai diferenzas de presión segundo a época do ano, non podemos concretar mais porque non o preguntamos.
CORTES DO SUBMINISTRO
Durante o último ano os enquisados indican maioritariamente (un 72%) que sufriron entre un e cinco cortes no subministro de auga. Parécenos moi preocupante esta cuestión, porque ademais un 81% non recibiron ningún tipo de aviso. É unha incomodidade que un servizo básico como é a auga falte sen aviso previo.
Compre dicir que un 81% dos enquisados non reciben ningún aviso de corte, e ademais un 98% desexarían recibilos, practicamente todos.
A empresa subministradora, Aqualia, debería tomar nota e buscar o modo de solventar esta falta de comunicación cos usuarios.
A Compañía, a primeira táboa amosa o número de cortes e a segunda a porcentaxe destes en cada barrio:
Vemos que un 75% dos enquisados de A Compañía sufriron entre un e cinco cortes, o mesmo ocurriu no barrio de A Florida, un 64%, un 66% en Os Chaos e un 80% no barrio de San Antonio.
En xeral a porcentaxe de cortes é moi alta, un 95%. Pensamos que a poboación de Monforte está sendo moi paciente con esta problemática que sen dúbida é urxente resolver.
RECLAMACIÓNS
Despois dos resultados anteriores parecería lóxico que houbese moitas reclamacións respecto dos cortes pero non é así. Un 80% dos enquisados non presentou nunca unha reclamación. Tal vez por falta de tempo ou por outros factores que non coñecemos.
A cuestión é que sí o fixeron suspenden á empresa subministradora, á que valoran cun 2,3 de media nunha escala de 1 a 5 respecto da rapidez da resposta. Nós temos unha experiencia como centro educativo neste senso, xa que tamén fomos sufridores deste retraso respecto do cobro indebido da facturación do noso centro.
Os enquisados tamén suspenden á empresa na atención recibida, cunha nota media inferior á anterior, un 2,25.
Neste caso prevalece a puntuación mais baixa, o 1.
AVARÍAS
No caso da rapidez de resposta na resolución de averías a tendenza é negativa. A metade dos enquisados a valoran como deficiente ou moi deficiente, un 36 % pensan que é normal, e só un 14% opinan que é boa ou moi boa.
FACTURACIÓN
Comprensión
A comprensión da factura semella ter problemas para un 32% dos enquisados, case un terzo; parécelle normal a un 38% e non presenta problemas para un 29%. Temos pois mais persoas con dificultades de comprensión que sen dificultades, os motivos non os consultamos pero nalgún caso nos referiron que non están claros os apartados e a letra é demasiado pequena ...
O prezo
Como suele pasar nestes casos a quen paga sempre lle parece moito, e así ocorre para un 42% das persoas que non están de acordo co prezo do subministro de auga, frente a un 28% que sí o están.
Prevalece a puntuación central, 3, pero con pouca diferenza respecto da puntuación 2, un 30% pensan que o prezo é normal.
Valoración final do SUBMINISTRO DE AUGA
Como valoración final do subministro vemos que os cidadáns monfortinos repártense por igual nas tres zonas da táboa, un 31% non está satisfeito, un 36% amósase neutral, e un 33% está satisfeito, polo que a pesar dos cortes, os problemas coas reclamacións e a falta dun sistema de aviso de incidencias, pensamos que isto non vai tan mal.
A valoración final nos barrios mais representativos é a seguinte:
O barrio onde os enquisados amosan menor grao de satisfacción é A Florida, cun 36% de persoas que valoran o subministro cunha puntuación de 1 ou 2 (insatisfeito) e ademais só un 4% indican que están satisfeitos.
O barrio onde a puntuación é mais alta destes catro é Os Chaos, no que a valoración de 3 e 4 é a maior, aínda que tampouco hai ninguén que puntúe 5 (moi satisfeito)
ANEXO: distribución da poboación por barrios
Como indicamos ao primeiro, a distribución de hogares enquisados por barrios, que pode verse nesta gráfica, é de especial interese nas zonas de A Compañía, A Florida, Os Chaos e San Antonio.
Distribución do número de persoas por vivenda e barrio (están sinaladas cun fondo azul as menos representativas e cun fondo amarelo as de maior representatividade):
Comentarios
Publicar un comentario